About

Dwarna

Dr George Hyzler

Dott. George Hyzler, Kummissarju għall-Istandards fil-Ħajja Pubblika

George Hyzler iggradwa b’dottorat fil-liġi mill-Università ta’ Malta fl-1979 u ġab Diploma fl-Integrazzjoni Ewropea mill-Università ta’ Amsterdam fl-1980.

Dott. Hyzler kien sieħeb fundatur tad-ditta GVZH Advocates (li fil-bidu kienet GVTH Advocates). Huwa rtira mid-ditta meta nħatar b’riżoluzzjoni unanima tal-Kamra tar-Rappreżentanti bħala l-ewwel Kummissarju għall-Istandards fil-Ħajja Pubblika fit-30 ta’ Ottubru 2018.

Huwa ipprattika l-professjoni legali tiegħu primarjament fil-liġi ċivili u kummerċjali, l-aktar fil-qasam tal-liġi dwar il-kumpaniji. Serva fuq il-bord tad-diretturi ta’ diversi kumpaniji privati u tal-gvern.

Dott. Hyzler kien president tal-Kamra tal-Avukati, president tal-Bord tal-Gvernaturi taċ-Ċentru dwar l-Arbitraġġ ta’ Malta, membru tal-Qorti Permanenti tal-Arbitraġġ, membru tal-Kummissjoni għall-Amministrazzjoni tal-Ġustizzja, membru tal-Kumitat dwar Ħatriet fil-Ġudikatura, president u membru tal-Kumitat tal-Avukati tal-Kummissjoni għall-Amministrazzjoni tal-Ġustizzja, u Kummissarju Għoli Mhux Residenti ta’ Malta għar-Repubblika tal-Afrika t’Isfel.

Kien membru tal-Parlament (1995–2003) u serva bħala segretarju parlamentari fil-Ministeru tas-Servizzi Ekonomiċi (1999–2003).

Serva wkoll bħala president tal-Kunsill Rappreżentattiv tal-Istudenti u kien membru student tal-bord tal-Fakultà tal-Liġi u tal-Kunsill tal-Università.

Dott. Hyzler huwa sportiv b’interess qawwi fil-futbol. Bħala żagħżugħ ħa sehem f’diversi dixxiplini f’livell nazzjonali inkluż il-waterpolo, il-basketball, il-volleyball u l-atletika. Kellu records nazzjonali fil-high-jump.

Għandu erbat itfal u tliet neputijiet, u miżżewweġ lil Dott. Giannella de Marco.

Office of the Commissioner for Standards in Public Life

L-Uffiċċju tal-Kummissarju

Il-Kummissarju għall-Istandards huwa megħjun minn uffiċċju żgħir li jikkonsisti minn Direttur Ġenerali, Assistent Direttur (Riċerka u Komunikazzjoni), Office Manager u żewġ impjegati oħra.

L-uffiċċju jinsab fi Triq San Pawl, il-Belt, f’bini li huwa jaqsam mal-uffiċċju tal-Ombudsman.

Tista’ tinteressak il-paġna

Riżorsi